kisah tiga ikung bibinian nang naik kapal tarbang, narannya Idah Kenjot, Aluh Katuyung wan Aluh Miang, pas kapal tarbang nang ditumpangi buhannya uling-uling pina handak tagugur kabawah, lalu si Idah Kenjot ma'ambil pupur wan gincu jadi kawannya nang badua nih bingung ai malihat, lalu kawannya batakun, " Nah kapalnya handak tagugur dah maka ikam abut babingking-bingking kaitu napanya?"
Idah Kenjot: " Biasanya nang pamulaan di tulung urang itu ia nang palalangkarnya."
Aluh Katuyung kada handak kalah lalu inya manyingsing indruknya tinggi-tinggi.
Kawannya heran lalu batakun, "Napa pulang ikam Luh jadi manyingsing ka indrukan?"
Aluh Katuyung: "Biasanya nang lakas di tulung urang itu ia pahanya nang putih-putih."
Mandangar itu Aluh Miang asa panas jua hati, lalu inya mamaculi baju pakaiannya, asli barataan kalihatan hirang, naran awaknya hirang banar.
Kawannya ta nganga malihat kalakuan Aluh Miang, ujar kawannya, "Malalain ikam Luh ai, mun handak mandi sasudah kapalnya tagugur haja kena, napa ikam nih Luh?"
Aluh Miang: " Biasanya nang pamulaan di cari urang itu ia kotak hitam. "
By L-169